„Það er alltaf svekkjandi að tapa, það er alveg sama á móti hverjum það er," sagði Ólafur Guðbjörnsson þjálfari Íslandsmeistara Stjörnunnar sem töpuðu á heimavelli fyrir Selfossi í kvöld, 1-2.
„Mér fannst þetta ekkert sérstaklega góður fótboltaleikur. Menn réðu illa við aðstæðurnar svo það kom ekki mikill fótbolti út úr þessu, smá kaflar sem bæði lið áttu en ekkert mikið meira."
„Við vitum að þetta eru hörkuleikir, við vorum mun betri í seinni hálfleik og þær betri í fyrri hálfleik. Þannig var leikurinn og þetta datt þeirra megin. Mörkin voru ekki upp á marga fiska í dag."
„Selfoss er eina liðið sem við vorum ekki búin að vinna á þessu ári. Við vissum alveg að þetta yrði hörkuleikur og yrði jöfn deild. Þetta er erfiðara en í fyrra. Þær eru með flott lið, búin að byggja vel upp og bæta í sitt lið. Bara mjög gott lið, við vissum að þetta yrði hörkuleikur, við ætluðum að sjálfsögðu að vinna en það tókst ekki í dag."
Athugasemdir