Pétur Pétursson þjálfari Fram fékk ekki að fagna sínum fyrsta sigri í 1. deildinni í kvöld þegar liðið heimsótti Hauka í Hafnarfjörðinn.
Tvö mörk frá Haukum á síðustu tíu mínútum leiksins tryggðu þeim 2-1 sigur og þar með öll stigin. Framarar eru því enn með eitt stig að loknum fjórum umferðum.
Tvö mörk frá Haukum á síðustu tíu mínútum leiksins tryggðu þeim 2-1 sigur og þar með öll stigin. Framarar eru því enn með eitt stig að loknum fjórum umferðum.
Lestu um leikinn: Haukar 2 - 1 Fram
„Við fáum á okkur tvo skítamörk í restina. Því miður endaði þetta svona. Við áttum að vera búnir að gera útum leikinn áður."
„Við slökuðum á í einbeitingu, eða eitthvað. Þeir skora tvö mörk á okkur og klára leikinn. Það eru bara búnir fjórir leikir svo ég veit ekkert hvernig sjálfstraustið er í hópnum."
Pétur segir aðstæðurnar hafa verið erfiðar í kvöld.
„Þetta var held ég ekkert skemmtilegur fótboltaleikur. Það var allavegana miklu meiri barátta hjá okkur í dag heldur en á móti Fjarðabyggð."
Pétur tók óvænt við liði Fram þegar tímabilið var byrjað. Honum líst ágætlega á hópinn sem hann hefur í höndunum en margt þurfi að laga.
„Mannskapurinn er ágætur. Við þurfum að stíga aðeins meira upp og gera þetta betur," sagði Pétur.
Viðtalið í heild sinni er hægt að sjá í sjónvarpinu hér að ofan.
Athugasemdir