banner
   fim 28. maí 2015 10:40
Magnús Már Einarsson
Heimild: BBC 
Sterling til Real Madrid með Benítez?
Powerade
Sterling á leið til Spánar?
Sterling á leið til Spánar?
Mynd: EPA
Paul Pogba er orðaður við Manchester City.
Paul Pogba er orðaður við Manchester City.
Mynd: Getty Images
Ensku slúðurblöðin eru í stuði þessa dagana. Njótið vel!



Rafa Benítez vill kaupa Raheem Sterling til Real Madrid ef hann tekur við liðinu. (Daily Mirror)

Manchester City er í bílstjórasætinu í baráttunni um Paul Pogba miðjumann Juventus en hann kostar 45 milljónir punda. (The Sun)

Danny Ings hefur sagt Tottenham að hann vilji frekar fara til Liverpool í sumar. (London Evening Standard)

Carlo Ancelotti myndi hoppa á tækifærið ef honum myndi bjóðast að taka við Liverpool. (The Sun)

Manchester United vill að PSG borgi vel fyrir Angel Di Maria í sumar. DI Maria kostaði Manchester United 59,7 milljónir punda í fyrra og félagið vill fá sem mest af þeirri upphæð til baka ef Argentínumaðurinn fer til PSG. (Daily Mirror)

Sunderland gæti reynt að fá David Moyes þjálfara Real Sociedad til að taka við liðinu. Paul Clement, aðstoðarþjálfari Real Madrid, kemur líka til greina. (Daily Star)

Roberto Mancini, þjálfari Inter, ætlar að hringja í Yaya Toure í vikunni og sannfæra hann um að koma til ítalska félagsins. (Daily Mail)

Manuel Pellegrini, stjóri City, segir að Toure fari ekki neitt í sumar. (Daily Express)

Nýr stjóri West Ham mun fá 25 milljónir punda til að eyða í leikmannakaup. (Daily Star)

Watford er í bílstjórasætinu í baráttunni um Daniele Dessena miðjumann Cagliari. (Talksport)

QPR gæti boðið 2,5 milljónir punda í Rickie Lambert framherja Liverpool. (London Evening Standard)
Athugasemdir
banner
banner
banner
banner