Fjölnir fær Stjörnuna í heimsókn í Grafarvoginn klukkan 19:15 í fimmtu umferð Pepsi-deildar karla. Fjölnismenn eru með sjö stig í fimmta sæti eftir fjórar umferðir en Stjarnan er með tíu í toppsætinu.

Það er oft sagt að það eigi ekki að breyta sigurliði og þjálfarar liðanna eru greinilega með það í huga í dag.

Fjölnir er með sama byrjunarlið og í sigrinum á FH á meðan Stjarnan er með sama byrjunarlið og í sigrinum á KA í síðustu umferð.

Þórir Guðjónsson, framherji Fjölnis, kom inn á sem varamaður gegn FH og skoraði sigurmarkið. Þórir hefur verið að glíma við smávægileg meiðsli og hann byrjar líka á bekknum í dag.