Fylkir er á toppi Inkasso-deildarinnar eftir öruggan sigur gegn HK í Kópavogi.

Emil Ásmundsson gerði fyrsta mark leiksins eftir hálftíma og tóku gestirnir úr Árbænum öll völd á vellinum út hálfleikinn.

Albert Brynjar Ingason sýndi gæðin sín og tvöfaldaði forystuna áður en Emil gerði útaf við leikinn fyrir leikhlé.

Heimamenn virtust aldrei líklegir til að koma til baka og lauk leiknum með öruggum sigri Fylkismanna, sem eru með 10 stig eftir fjórar umferðir. HK er með 6 stig.