West Ham hefur sett fram tilboð í Kelechi Iheanacho, framherja Man City, en þetta segja heimildarmenn Sky Sports.
City er talið meta leikmanninn á um 20 milljónir punda en nokkur lið í ensku úrvalsdeildinni eru sögð hafa áhuga.
Iheanacho hefur aðeins byrjað einn leik fyrir City á þessu ári og er ekki talinn vera í langtíma áætlunun Pep Guardiola, stjóra liðsins.
Andy Carroll og Diafra Sakho, framherjar West Ham, hafa vera mikið meiðslahrjáðir undanfarin misseri og er því Iheanacho ofarlega á óskalista Slaven Bilic.
West Ham hefur nú þegar samið um félagsskipti Pabo Zabaleta en samningur hans hjá City rennur út 1. júlí næstkomandi.
Athugasemdir