Aldís Kara skoraði tvö í dag og skaut Blikum í undanúrslit
Aldís Kara Lúðvíksdóttir átti flottan leik í liði Breiðabliks sem sló Val út úr bikarkeppninni fyrr í dag. Blikar unnu 3-0 sigur og Aldís Kara skoraði tvívegis. Fótbolti.net heyrði hljóðið í Aldísi Köru eftir leik.
„Það var ógeðslega gaman. Það er alltaf gaman að koma á Vodafone-völlinn og sérstaklega gaman að taka stig hérna,“ sagði Aldís aðspurð um leikinn en sjálf skoraði hún tvö mörk og lék fantavel.
„Ég er sátt. Það er gaman að skora hérna. Vinna og skora, þetta er bara æðislegt,“ sagði Aldís Kara meðal annas en hægt er að horfa á viðtalið við hana í sjónvarpinu hér að ofan.
