Stjörnurnar í enska landsliðinu eru lentar aftur í Englandi, tæpum sólarhring eftir að liðið datt úr keppni gegn Íslandi í 16-liða úrslitum EM.
Liðið lenti á Luton flugvellinu í grennd við London nú í kvöld og þótti rigningin passa vel við andrúmsloftið.
Menn voru brúnaþungir á svip þegar þeir gengu út úr flugvélinni og voru í kjölfarið fljótir að láta sig hverfa.
Leikmenn fá nú sumarfrí áður en þeir snúa aftur til æfinga hjá sínum félagsliðum.
Athugasemdir