Þeir Íslendingar sem hafa keypt miða á leiki á EM eiga ennþá möguleika á að fá miða á leikinn gegn Frakklandi í 8-liða úrslitunum á sunnudag.
Þeir Íslendingar sem hafa áður keypt leik á mótinu fá tölvupóst með sérstökum hlekk á miðasöluna þar sem þeir geta keypt miða á sérstök Íslendingasvæði sem verða á Stade de France á sunnudag.
Þeir Íslendingar sem hafa áður keypt leik á mótinu fá tölvupóst með sérstökum hlekk á miðasöluna þar sem þeir geta keypt miða á sérstök Íslendingasvæði sem verða á Stade de France á sunnudag.
Klara Bjartmarz, framkvæmdastjóri KSÍ, staðfestir þetta í samtali við vef Morgunblaðsins.
„Það gæti verið talsvert af miðum sem er þarna í boði," segir Klara við mbl.is.
Miðað við viðbrögð frá Twitter eru einhverjir stuðningsmenn farnir að fá tölvupóstinn frá UEFA og miðasala í fullum gangi í Íslendingahólfið.
Almenn miðasala á leikinn hófst klukkan 12:00 en þar voru einungis 1000 miðar í boði og þeir fóru mjög fljótt út.
Við bendum öllum á að það gæti ennþá átt von á tölvupósti frá UEFA varðandi kaup á miðum á leik Íslands og Frakklands ;)
— Knattspyrnusambandið (@footballiceland) June 28, 2016
Athugasemdir
