Fótbolti.net gerir Pepsi-deild kvenna góð skil í sumar. 5. umferðin fór fram um helgina og nú er komið að því að opinbera lið umferðarinnar.
Berglind Hrund Jónasdóttir markvörður Stjörnunnar hélt hreinu í stórleik umferðarinnar þegar Stjarnan sigraði Val örugglega, 3-0 á heimavelli. Auk hennar eru þær Þórdís Hrönn Sigfúsdóttir og Ana Victoria Cate í úrvalsliðinu en þær skoruðu fyrstu tvö mörk Stjörnunnar í leiknum og áttu góðan leik, þá sérstaklega Cate í þeim fyrri.
Natasha Anasi stóð vaktina vel í miðverðinum hjá ÍBV í 2-0 sigri á botnliði ÍA í Vestmannaeyjum. Hún kom ÍBV á blað í leiknum með góðu marki rétt fyrir lok fyrri hálfleiks.
Hallbera Guðný Gísladóttir og Esther Rós Arnarsdóttir eru fulltrúar Breiðabliks í liði umferðarinnar en þær unnu Fylki á útivelli 1-0.
KR vann nokkuð óvæntan 4-3 sigur á Selfossi eftir að hafa lent 3-1 undir í leiknum. Sara Lissy og Ásdís Karen Halldórsdóttir voru frábærar í liði KR í leiknum en hjá Selfoss var framherjinn Lauren Hughes best. Hún gerði tvö mörk í leiknum en það dugði ekki til.
Þór/KA vann stóran sigur á FH í Kaplakrika, 4-0. Andrea Mist Pálsdóttir var öflug á miðjunni og auk þess var Sandra Stephany hættuleg fremst norðanstúlkna en hún skoraði eitt af fjórum mörkum liðsins í leiknum.
Úrvalslið 5. umferðar Pepsi-deildar kvenna
Berglind Hrund Jónasdóttir - Stjarnan
Ana Victoria Cate - Stjarnan
Natasha Anasi - ÍBV
Hallbera Guðný Gísladóttir - Breiðablik
Ásdís Karen Halldórsdóttir - KR
Andrea Mist Pálsdóttir - Þór/KA
Sara Lissy - KR
Þórdís Hrönn Sigfúsdóttir - Stjarnan
Sandra Stephany - Þór/KA
Lauren Hughes - Selfoss
Esther Rós Arnarsdóttir - Breiðablik
Athugasemdir