Liverpool hefur keypt kantmanninn Saido Mane frá Southampton en félagið staðfesti þetta nú rétt í þessu.
Hinn 24 ára gamli Mane er búinn að standast læknisskoðun og skrifa undir hjá Liverpool.
Hinn 24 ára gamli Mane er búinn að standast læknisskoðun og skrifa undir hjá Liverpool.
Liverpool borgar 34 milljónir punda fyrir Mane en verðið getur hækkað upp í 36 milljónir punda síðar. Ef það gerist þá verður Mane dýrasti leikmaðurinn í sögu Liverpool en metið núna á Andy Carroll sem kostaði 35 milljónir punda.
„Í dag er stór dagur og ég er mjög ánægður með að skrifa undir hjá einu stærsta félagi í Evrópu," sagði Mane.
Mane er frá Senegal en hann hefur skorað 25 mörk í 75 leikjum með Southampton undanfarin tvö tímabil.
Mane er þriðji leikmaðurinn sem kemur til Liverpool í sumar á eftir markverðinum Loris Karius og varnarmanninum Joel Matip.
Athugasemdir