Southgate starfar nú sem þjálfari U-21 árs landsliðs Englands og er almenn ánægja með störf hans þar en þessi 45 ára gamli fyrrum landsliðsmaður hefur einnig reynslu úr félagsliðabolta þar sem hann þjálfaði Middlesbrough um tíma.

Aðrir sem þykja koma til greina í starfið eru Gary Neville og Eddie Howe en sá fyrrnefndi var hluti af þjálfarateymi Roy Hodgson.

Eddie Howe er mikils metinn í Englandi og þykir vera einn efnilegasti knattspyrnustjóri Englendinga um þessar mundir enda hefur hann unnið frábært starf hjá Bournemouth.

Næstir á eftir þessum þrem hjá veðbönkum eru reynsluboltarnir Alan Pardew, stjóri Crystal Palace og Sam Allardyce, stjóri Sunderland.