Miði í forgangi kostar 1800 evrur
Uppselt er á leik Frakklands og Íslands í 8-liða úrslitum EM á sunnudag. Miðað við viðbrögð á samfélagsmiðlum virðast mjög fáir Íslendingar hafa krækt í miða á leikinn ef nokkrir.
Svo virðist sem að aðeins örfáir miðar hafi farið í sölu í dag og að aðrir miðar hafi verið seldir fyrir löngu síðan, áður en ljóst var hvaða lið myndu mætast í 8-liða úrslitunum.
Stade de France tekur yfir 81 þúsund manns í sæti en talið er að einungis 1000 miðar hafi farið í almenna sölu í dag og baráttan var hörð um þá út um alla Evrópu.
Svo virðist sem að aðeins örfáir miðar hafi farið í sölu í dag og að aðrir miðar hafi verið seldir fyrir löngu síðan, áður en ljóst var hvaða lið myndu mætast í 8-liða úrslitunum.
Stade de France tekur yfir 81 þúsund manns í sæti en talið er að einungis 1000 miðar hafi farið í almenna sölu í dag og baráttan var hörð um þá út um alla Evrópu.
Heimamenn í Frakklandi verða því nánast með alla stuðningsmenn á sínu bandi í leiknum í Stade de France á sunnudag.
Margir Frakkar keyptu miða á þennan leik síðastliðinn vetur í von um að Frakkar færu í 8-liða úrslit. Margir Frakkar keyptu einnig mótsmiða til að fylgja sínum mönnum eftir í keppninni. Það gerðu einnig einhverjir Íslendingar og þeir verða á vellnium á sunnudag.
Í dag greindi KSÍ frá því að þeir Íslendingar sem hefðu keypt miða á leik í mótinu hingað til myndu ganga fyrir í miðasölunni hjá UEFA.. Síðan kom á daginn að sá miði kostaði 1800 evrur eða 248 þúsund krónur.
Gríðarlega margir Íslendingar leita nú af miðum til sölu á Facebook síðunni Ferðagrúppa fyrir EM en ljóst er að framboðið af miðum er mjög lítið.
Leikvangurinn tekur 81.338 manns í sæti... Í kringum 1.000 miðar fóru í almenna sölu... 🙃🙃🙃🙃🙃
— Arnþór Ingi Kristins (@arnthoringi) June 28, 2016
Fengu einhverjir Íslendingar miða á leikinn? Ég var kominn inn 3 mínútur yfir 12 og þá var uppselt #fotboltinet #EURO2016 #FRAISL
— Jón H. Hjartarson (@jonsih) June 28, 2016
Til hamingju Uefa.....farsi þessi miðasala
— Guðlaugur Valgeirs (@GulliValgeirs) June 28, 2016
Sýnist frekja Frakka endurspeglast í þessu miðamáli. Írar fengu til að mynda mjög fáa miða á leikinn í 16-liða.
— Magnús Sigurbjörns (@sigurbjornsson) June 28, 2016
Athugasemdir