Kvennalið ÍA fær liðsstyrk fyrir leikinn gegn FH í Pepsi-deild kvenna annað kvöld því markvörðurinn Ásta Vigdís Guðlaugsdóttir er gengin í raðir félagsins.
Ásta Vigdís kemur til ÍA á láni frá Breiðabliki en hún var hjá HK/Víkingi í 1. deild kvenna á fyrri hluta tímabilsins þar sem hún spilaði sjö leiki í deild og bikar.
Hún er annar markvörðurinn sem Breiðablik lánar til ÍA því Halla Margrét Hinriksdóttir spilað með þeim fyrstu tvo leiki tímabilsins í maí og var síðar kölluð til baka.
Ásta hefur verið í hópi U19 ára landsliðs kvenna. Hin bandaríska Caitlin Updyke sem hefur varið mark ÍA í sumar er á förum frá félaginu
Athugasemdir