Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 28. júlí 2015 13:18
Magnús Már Einarsson
Alfons Sampsted í Þór á láni (Staðfest)
Mynd: Breiðablik
Þór hefur fengið hægri bakvörðinn Alfons Sampsted á láni frá Breiðablik.

Alfons er hægri bakvörður og er ætlað að fylla skarðið sem Gísli Páll Helgason skilur eftir sig þegar hann fer aftur til náms í Bandaríkjunum í næsta mánuði.

Alfons er fæddur 1998 en hefur æft með meistaraflokki Breiðabliks í tvö tímabil. Hann hefur komið við sögu í einum leik hjá Blikum í sumar.

Alfons hefur spilað 15 landsleiki fyrir Íslands hönd og er af mörgum talinn einn allra efnilegasti bakvörður landsins. Honum var til að mynda boðið með aðalliði Rosenborg í æfingaferð til Spánar fyrr á þessu ári eftir að hafa verið þar við æfingar.

„Ég hef mikla trú á að Alfons geti staðið sig feykilega vel og hjálpað okkur Þórsurum í þeirri miklu barráttu sem framundan er. Hann er mjög kraftmikill og öflugur leikmaður, með mikinn hraða og gríðarlega hlaupagetu. Hann fékk topp meðmæli frá Adda Grétars þjálfara blika og auk þess kom hann hingað tvisvar sinnum og æfði með okkur og stóð sig mjög vel," sagði Donni Sigurðsson þjálfari Þórs í stuttu spjalli við heimasíðu félagsins.
Athugasemdir
banner
banner
banner