Guðrún Jóna Kristjánsdóttir, þjálfari Þróttar, var svekkt eftir 3-2 tap sinna stúlkna gegn ÍBV í Pepsi-deild kvenna í kvöld. Þróttur lenti 3-0 undir en átti flottan seinni hálfleik og minnkaði muninn í 3-2. Þær náðu hins vegar ekki jöfnunarmarkinu.
„Mér fannst við allavega eiga seinni hálfleikinn hér í dag. Eftir að við lentum 3-0 undir hleyptum við leiknum upp og tókum sénsa og skoruðum tvö mörk. Mér fannst við eiga meira skilið en að tapa í dag," sagði Guðrún Jóna við Fótbolta.net.
„Þetta er ansi soft víti sem hann gefur í fyrri hálfleik, það var ekki að hjálpa okkur."
„Við skorum tvö mörk og eigum fyrir utan það helling af færum, þannig að það er jákvætt. Ég var mjög sátt með seinni hálfleikinn."
Athugasemdir