Ian Jeffs, þjálfari kvennaliðs ÍBV, var ekkert allt of sáttur með sínar stelpur þrátt fyrir 3-2 sigur gegn Þrótti í Pepsi deild kvenna í kvöld.
ÍBV komst í 3-0 en gaf eftir og fékk á sig tvö mörk. Var Ian ekki ánægður með seinni hálfleikinn.
ÍBV komst í 3-0 en gaf eftir og fékk á sig tvö mörk. Var Ian ekki ánægður með seinni hálfleikinn.
„Ég var bara mjög ánægður með fyrri hálfleikinn, mér fannst við spila hann mjög vel og það leit út eins og við myndum skora fleiri mörk. Seinni hálfleikurinn byrjaði ágætlega fyrstu 10-15 en mér fannst eins og oft áður í sumar, um leið og það kom smá mótlæti, þá fannst mér við allt of fljót að brotna niður. Það gerðist aftur í dag," sagði Ian við Fótbolta.net eftir leikinn.
„Ég var alls ekki ánægður með síðustu 20-25 mínúturnar. Þróttur komu mjög sterkar inn, skora eitt mark og svo kemur víti. Mér fannst þetta alltaf koma út af okkar mistökum, þær voru ekki að skapa neitt en það voru alltaf okkar leikmenn sem voru að gera fáránleg mistök, sem er óskiljanlegt."
Athugasemdir