þri 28. júlí 2015 10:00
Magnús Már Einarsson
Heimild: BBC 
Sergio Ramos ekki til Manchester United
Powerade
Sergio Ramos.
Sergio Ramos.
Mynd: Getty Images
Slúðurpakkinn er á sínum stað í dag líkt og aðra daga.



Vonir Manchester United um að krækja í Sergio Ramos frá Real Madrid virðast vera úr sögunni. Hinn 29 ára gamli Ramos hefur samþykkt að gera nýjan samning við Real Madrid. (Daily Mail)

Pedro vill fara frá Barcelona til að spila meira. Pedro gæti farið til Manchester United á 21,4 milljónir punda en Luis Enrique þjálfari Börsunga er á móti skiptunum. (Marca)

Tottenham ætla að bjóða 15 milljónir punda í Saido Berahino framherja WBA en félagið er einnig á eftir Yannick Bolasie kantmanni Crystal Palace. (London Evening Standard)

Wolfsburg segist ekki þurfa að selja Kevin de Bruyne en Manchester City hefur sýnt honum áhuga. (Daily Mirror)

De Bruyne segist vilja fara til Manchester City en hann veit ekki hvar framtíð sin liggur. (Daily Star)

Laurent Blanc, þjálfari PSG, er bjartsýnn á að landa Angel Di Maria þrátt fyrir smá hikst í samningaviðræðum. (Daily Express)

Newcastle ætlar að bjóða 13,25 milljónir punda í Charlie Austin framherja QPR en síðarnefnda félagið vill fá 15 milljónir punda fyrir leikmanninn. (Daily Express)

Arsenal hefur hafnað beiðni Southampton um að fá varnarmanninn Calum Chambers aftur til félagsins. (Daily Mirror)

Southampton er að reyna að fá Steven Caulker á láni frá QPR. (Daily Mail)

Manchester United mun sekta Marcos Rojo um 140 þúsund pund eftir að vandræði með vegabréf komu í veg fyrir að hann myndi fara í æfingaferð til Bandaríkjanna með liðinu. (Daily Mail)

John Carver, fyrrum stjóri Newcastle, segist hafa leitað til sálfræðings þegar liðið var í fallbaráttu í ensku úrvalsdeildinni á síðasta tímabili. (Daily Telegraph)
Athugasemdir
banner
banner
banner
banner
banner