fim 28. júlí 2016 10:05
Magnús Már Einarsson
Sonur Zidane spilaði í tapi Real Madrid
Edinson Cavani og Mateo Kovacic í leiknum í nótt.
Edinson Cavani og Mateo Kovacic í leiknum í nótt.
Mynd: Getty Images
Real Madrid 1 - PSG
0-1 Nanitamo Ikoné ('2)
0-2 Thomas Meuiner ('35)
0-3 Thomas Meuinter ('40)
1-3 Marcelo ('44, víti)

PSG sigraði Real Madrid 3-1 í æfingaleik sem fór fram í Bandaríkjunum í nótt.

Lykilmenn vantaði lið Real Madrid en Gareth Bale, Cristiano Ronaldo, Luka Modric, James Rodriguez og Pepe voru á meðal leikmanna sem voru hvíldir.

Enzo Zidane, sonur Zinedine Zidane þjálfara Real Madrid, kom inn á í hálfleik og spilaði sinn fyrsta leik með aðalliðinu.

Norska undrabarnið Martin Ödegaard kom einnig inn á í hálfleik hjá Real Madrid. Staðan í hálfleik var 3-1 en PSG náði ekki að bæta við mörkum gegn ungu liði Real í seinni hálfleik.
Athugasemdir
banner