ÍBV neyddist til að gera skiptingu snemma leiks þegar Avni Pepa meiddist en þá kom inn ungur strákur sem lék í vinstri bakverði eftir tilfærslur innan liðsins. Tryggvi var verulega ánægður með Felix.

„Felix Örn Friðriksson átti þvílíka innkomu, þeir voru djarfir að setja hann inn á. Þetta er strákur fæddur 1999 sem ekki hefur spilað mikið með meistaraflokknum. Hann skilaði sínu mjög fagmannlega og þroskað. Hann var meira að segja óheppinn að skora ekki," segir Tryggvi.

Margir lykilmenn FH voru langt frá sínu besta.

„ÍBV pakkaði vel en það vantaði gæðin í slúttin, síðustu sendinguna og hlaupin hjá sóknarmönnum FH-liðsins," segir Tryggvi en framundan er rimma ÍBV gegn FH þann 13. ágúst í bikarúrslitum. Þar mætast Bjarni Jó og Óli Jó.

„Gamli skólinn er ekki svo slæmur skóli," segir Tryggvi í yfirferð sinni yfir leikinn sem hægt er að sjá í heild sinni í sjónvarpinu hér að ofan.