Hlynur Freyr Karlsson lék sinn fyrsta leik með sænska liðinu Brommapojkarna er liðið vann magnaðan 4-3 sigur á Gautaborg í gær.
Leikmaðurinn kom til Brommapojkarna frá norska liðinu Haugesund á dögunum og fékk eldskírn sína í gær.
Hann kom við sögu af bekknum á 73. mínútu leiksins og hjálpaði liðinu að sigla þremur stigum.
Brommapojkarna eru í 9. sæti með 21 stig eftir sextán leiki.
Adam Ingi Benediktsson var þá í markinu annan leikinn í röð er Östersund lagði Varberg að velli, 2-1. Adam kom frá Gautaborg í sumar en hann var einnig í markinu í síðustu umferð er liðið vann Degerfors með sömu markatölu.
Östersund er í 8. sæti B-deildarinnar með 22 stig.
Athugasemdir