Heimild: Morgunblaðið
Arnar Grétarsson á æfingasvæði Club Brugge.
Eins og við greindum frá í gær er Arnar Grétarsson hættur sem yfirmaður knattspyrnumála hjá Club Brugge í Belgíu eftir breytingar á skipulagi félagsins. Starf Arnars var gert minna í sniðum og segist Arnar í samtali við Morgunblaðið hafa tekið þá ákvörðun í samráði við stjórnina að þetta myndi ekki ganga upp.
„Ég hefði viljað sinna minni stöðu eins og hún var og byggja upp hlutina eins og við vorum byrjaðir á. Þetta er nú bara þannig í fótboltanum að þjálfarar og þeir sem eru í starfi eins og ég hef verið í verða að vera viðbúnir breytingum," sagði Arnar í samtali við Guðmund Hilmarsson á Morgunblaðinu.
Hann verður með fjölskyldu sinni í Belgíu til loka október og vonast til að fá sambærilegt starf hjá öðru félagi.
„Ef ég fæ ekki vinnu þá kemur maður heim og skoðar stöðuna á þeim tíma. Ég myndi vissulega líta á það með opnum huga ef eitthvað byðist heima varðandi þjálfun eða eitthvað í þeim dúr. Ég hef áhuga á að vera áfram í fótboltanum."
Athugasemdir
