Þorvaldur Örlygsson þjálfari HK var að vonum svekktur eftir tap sinna manna fyrir Grindavík í kvöld.
"Við vorum kannski ekki slakir í síðari hálfleik, við áttum fínan fyrri hálfleik en komum værukærir í síðari hálfleik. En það er svekkjandi að vera bara 1-0 yfir í hálfleik þar sem við skoruðum tvö mörk þar sem mér fannst línuvörðurinn gera afdrifarík mistök"
"Við vorum kannski ekki slakir í síðari hálfleik, við áttum fínan fyrri hálfleik en komum værukærir í síðari hálfleik. En það er svekkjandi að vera bara 1-0 yfir í hálfleik þar sem við skoruðum tvö mörk þar sem mér fannst línuvörðurinn gera afdrifarík mistök"
Atli Valsson fékk seinna gula fyrir dýfu á 86.mínútu, hvað fannst Þorvaldi um þá ákvörðun?
"Frá mínum bæjardyrum þá ýtir leikmaðurinn á Atla og það er hreint og beint víti bara".
HK hafa nú ekki sigrað í þremur leikjum, er ekki Pepsi draumurinn úti?
"Við höfum svosem ekkert verið að dreyma um það, heldur bara að lifa deildina af. Við höfum misst góða leikmenn af, bæði í nám og meiðsli og við höfum bara ekki þá breidd sem þarf til að keppa allt mótið, við vissum að seinni hlutinn yrði erfiður.
En í dag vorum við samkeppnisfærir við lið sem ætlaði að vinna alla leikina, það er ótrúlegt miðað við hvað þeir hafa lagt í þetta undanfarin tvö ár þá eru þeir með mjög slakt tímabil, þó svo ég vilji kannski ekki tala um þeirra lið."
Nánar er talað við Þorvald, um breytinguna á leiknum í hálfleik og uppleggið fyrir þá leiki sem eftir eru í mótinu.
Athugasemdir
