Gunnar Borgþórsson, þjálfari Selfyssinga, segir að leikmenn liðsins séu reynslunni ríkari eftir tap gegn Stjörnunni í bikarúrslitum í fyrra.
Þessi lið mætast annað árið í röð í úrslitum Borgunarbikarsins en leikurinn fer fram á Laugardalsvelli klukkan 16:00 á morgun.
Þessi lið mætast annað árið í röð í úrslitum Borgunarbikarsins en leikurinn fer fram á Laugardalsvelli klukkan 16:00 á morgun.
„Vikurnar fyrir leik fann maður að spennustigið hækkaði. Ég finn mun á liðinu í ár. Það er mun afslappaðra andrúmsloft. Þeir leikmenn sem eru að koma nýjir inn í liðið eru að fá aðstoð frá öðrum leikmönnum," sagði Gunnar.
Gunnar viðurkennir að undirbúningurinn sé ekki sá sami fyrir þennan leik eins og aðra leiki.
„Undirbúningurinn er aðeins öðruvísi. Það er bæjarhátíð á Selfossi um helgina og stelpurnar láta sjá sig þar og gefa eiginhandaráritanir og svona. Við verðum aðeins á hótelinu á Selfossi fyrir leikinn í tengslum við flott verkefni þar og við erum að gera aðeins meira úr þessu."
Gunnar segir að vel verði fagnað á Selfossi ef bikarinn kemur yfir brúnna á laugardaginn.
„Það er búið að auglýsa móttöku, hvernig sem fer, og við verðum að taka bikarinn með okkur," sagði Gunnar.
Hér að ofan má sjá viðtalið í heild sinni.
Athugasemdir