Southampton kemst ekki í riðlakeppni Evrópudeildarinnar eftir tap gegn dönsku meisturunum, FC Midtjylland.
Liðin gerðu jafntefli á heimavelli Dýrlinganna og Danirnir unnu á sínum heimavelli í gær og var Ronald Koeman, stjóri Southampton, allt annað en sáttur með úrslitin og dómgæsluna.
Liðin gerðu jafntefli á heimavelli Dýrlinganna og Danirnir unnu á sínum heimavelli í gær og var Ronald Koeman, stjóri Southampton, allt annað en sáttur með úrslitin og dómgæsluna.
„Við vorum betra liðið í báðum leikjunum og fengum fleiri marktækifæri," sagði Koeman við BT Sport ósáttur eftir tapið.
„Við skoruðum mark á heimavelli sem var ekki dæmt og í kvöld þurftum við að fá vítaspyrnu þegar boltinn fór í hönd andstæðingsins eftir aukaspyrnu.
„Við lögðum mikið á okkur en stundum þarf maður góðar dómaraákvarðanir. Ákvarðanirnar voru rangar og það réði úrslitum."
Sadio Mane var á bekknum allan leikinn og vildu margir stuðningsmenn Southampton sjá hann koma inná, enda týpískur leikmaður sem getur snúið stöðunni sínu liði í vil.
„Sadio Mane var ekki 100% tilbúinn og það er langt tímabil framundan. Ég vildi ekki taka áhættuna. Við þurfum hann í næstu leikjum."
Athugasemdir