Ný fljóðljós hafa risið á Laugardalsvelli og verða í notkun í leik Íslands og Kasakstan í næstu viku.
„Farið var í þessa framkvæmd til að mæta kröfum UEFA um flóðlýsingar á landsleikjum," sagði Ómar Smárason fjölmiðlafulltrúi KSÍ á fréttamannafundi í dag.
Nýju flóðljósin eru mjög öflug og talsvert betri en lágmarkskröfur segja til um.
„Gaman verður að sjá birtuna á þeim í komandi leik gegn Kasakstan," sagði Ómar.
Einnig er verið að bæta aðkomuna að Austurstúku Laugardalsvallar til að áhorfendur komist hraðar inn á leikvanginn en áður.
Athugasemdir