Wolfsburg 3 - 0 Schalke 04
1-0 Bas Dost ('17 )
2-0 Ricardo Rodriguez ('59 , víti)
3-0 Timm Klose ('61 )
1-0 Bas Dost ('17 )
2-0 Ricardo Rodriguez ('59 , víti)
3-0 Timm Klose ('61 )
Þriðja umferð þýsku Bundesligunnar hófst í kvöld með leik Wolfsburg og Schalke á Volkswagen Arena.
Kevin De Bruyne og Ivan Perisic voru ekki í leikmannahópi Wolfsburg en De Bruyne er við það að ganga í raðir Man City og Perisic ku vera á leið til Inter Milan.
Fjarvera þeirra hafði ekki slæm áhrif á Wolfsburg sem vann sannfærandi 3-0 sigur á lánlausu liði Schalke.
Markavélin Bas Dost opnaði markareikning sinn á tímabilinu eftir sautján mínútur og í síðari hálfleik bættu varnarmennirnir Ricardo Rodriguez og Timm Klose við forystuna.
Wolfsburg, sem lenti í 2.sæti á síðustu leiktíð, er með 7 stig eftir þrjá leiki en Schalke er með fjögur stig.
Athugasemdir