Ólafur Ingi Skúlason kom inná á 43. mínútu þegar Serdar Deliktas þurfti að fara af velli vegna meiðsla í liði Kardemir Karabuk sem fékk Rizespor í heimsókn.

Ólafur og félagar í Karabuk voru marki yfir í hálfleik og tvöfaldaði Abdou Traore forystuna á 79. mínútu eftir stórkostlega stoðsendingu frá Ólafi Inga. Gestirnir færðu sig framar á völlinn og refsuðu heimamenn með þriðja og síðasta marki leiksins, sem Ólafur Ingi skoraði.

Þetta er fyrsta mark Ólafs Inga í tyrknesku deildinni þar sem hann lék 25 leiki fyrir Genclerbirligi á síðasta tímabili.