Willum Þór Þórsson, þjálfari KR, var svekktur eftir 2-0 tap gegn Val á Hlíðarenda í lokaleik dagsins í Pepsi-deild karla.
Staðan var markalaus þegar Skúli Jón Friðgeirsson fékk furðulegt rautt spjald á 63. mínútu og skömmu síðar fengu Valsarar ansi ódýra vítaspyrnu og unnu leikinn.
Staðan var markalaus þegar Skúli Jón Friðgeirsson fékk furðulegt rautt spjald á 63. mínútu og skömmu síðar fengu Valsarar ansi ódýra vítaspyrnu og unnu leikinn.
Lestu um leikinn: Valur 2 - 0 KR
„Mér fannst þetta frábær fótboltaleikur, það var rosalega mikill hraði og bæði lið áttu feykilega fínar sóknir," sagði Willum.
„Mér fannst eins og þetta myndi kannski bara ráðast á einu marki og þá allt í einu fer leikurinn út í hafsjó þegar það kemur risaákvörðun þar sem okkar manni er vísað af velli.
„Ég veit ekki hvað það var, ég held hann viti það ekki sjálfur. Síðan var víti og þá einhvern veginn fauk þessi leikur bara.
„Frá mér séð átti Valsmaðurinn ekki séns á boltanum og snertingin var mjög eðlileg því menn eru að koma úr gagnstæðri átt og renna saman. Mér fannst þetta mjög harður dómur, í besta falli."
KR er með 23 stig í 8. sæti og segir Willum að tapið sé skellur fyrir sína menn sem vildu vinna og blanda sér í Evrópubaráttuna.
Athugasemdir