Framarar eru í fallhættu fyrir lokaumferð Pepsi-deildarinnar en liðið steinlá gegn Stjörnunni í dag 4-0.
„Ef þú ætlar að gefa alltaf þrjú mörk þá verður þetta brekka. Við ætlum að vera eitthvað lengur saman en þetta tímabil og við verðum að gjöra svo vel og átta okkur á hvað það er að valda því að við byrjum leikina svona,“ sagði Bjarni Guðjónsson þjálfari Fram.
Í stöðunni 3-0 var varamarkvörður Stjörnunnar kominn í markið en hann var stálheppinn að fá ekki rautt spjald og víti á sig.
„Varamarkmaðurinn kominn í markið, útileikmaður hefði farið í markið, staðan úr 3-0 í 3-1 og hálftími eftir af leiknum. Ég vil taka undir þessi góðu orð sem voru látin falla í vikunni. Það þarf að skoða þetta. Þetta gerist líka í síðustu umferð hjá okkur, við eigum að fá víti en þetta er erfiður völlur að koma og dæma."
„Það féllu í vikunni orðin hjá stelpunum að það kom mest á óvart hvað dómgæslan var léleg. Svo segir Þóroddur að þetta var ekki leikbrot. Þetta er með ólíkindum svo ekki sé fastar að orði kveðið."
Viðtalið má sjá hér að ofan.
Athugasemdir