„Eitt núll eftir skítamark? Klárlega erfið fæðing en við áttum að vera búnir að klára þetta,“ sagði markaskorarinn Grétar Sigfinnur Sigurðarson eftir 1-0 sigur KR á Víkingum í næstsíðustu umferð Pepsi-deildar karla.
„Við gerðum þetta óþarflega spennandi með að gefa þeim stangarskot og einhver færi í stöðu þar sem við áttum að vera búnir að klára leikinn.“
„Baldur átti skalla eða skot sem var varinn á línu og ég fylgdi eftir í markið. Þeir spörkuðu svo boltanum aftur í mig og inn. Skoraði í raun tvisvar í sömu sókninni.“
„Menn eru í KR til að vinna leiki og þola ekki að tapa. Það á ekki að vera neitt vesen að koma mönnum í gírinn fyrir leiki. Stundum þegar á móti blæs gerist það að menn koma sér illa til baka. Við höfum verið nokkuð góðir að undanförnu líkt og í síðasta leik þegar við komum til baka eftir að hafa verið 3-1 undir.“
Viðtalið má sjá í heild sinni hér fyrir ofan.
Athugasemdir