Kristján hefur ákveðið að leggja skóna á hilluna.
Kristján Valdimarsson, leikmaður Fylkis, hefur ákveðið að leggja skóna á hilluna að tímabili loknu.
Kristján hefur á ferli sínum spilað meira en 160 leiki fyrir Fylki frá því í kringum aldamótin en hann segir að nú sé þetta komið gott.
Kristján hefur á ferli sínum spilað meira en 160 leiki fyrir Fylki frá því í kringum aldamótin en hann segir að nú sé þetta komið gott.
„Ég lenti í slæmum krossbandameiðslum og ætlaði að koma til baka og náði því í sumar, en ég held að þetta sé bara komið gott. Ég ætla ekki að reyna meira á hnéð, en ég er samt alveg fit og fínn og flottur. En ég held þetta sé bara komið gott, þrítugur, fínt að hætta núna,“ sagði Kristján við Fótbolta.net, en hann er nokkuð sáttur með sitt síðasta tímabil í boltanum.
„Þetta er búið að vera upp og niður hjá okkur, en ég held við séum að enda þetta ágætlega. Þetta er flottur hópur og gaman að taka þátt í þessu.“
Kristján segir að það sé erfitt að nefna eitthvað eitt sem stendur upp úr á ferlinum.
„Það eru mörg lítil atriði, sætir sigrar og súr töp, en ég held það sé bara fólkið í kringum félagið og hvernig félagið hefur mótað mann, ég held að það standi upp úr. Að hafa spilað alla þessa leiki fyrir félagið og hvað fólkið hefur tekið manni vel.“
Athugasemdir
