,,Mér fannst vera heilt yfir einbeitingaleysi í þessum mörkum," sagði Magnús Gylfason þjálfari Vals eftir 1-4 tap heima gegn FH í Pepsi-deild karla í kvöld.
Lestu um leikinn: Valur 1 - 4 FH
,,Sérstaklega í marki eitt og tvö þar sem við komumst yfir og allt virðist vera í fínu lagi hjá okkur, við erum að stjórna leiknum og erum komnir með þá í smá klemmu með því að skora markið."
,,Þá var reiðarslag að fá á sig jöfnunarmark á sömu mínútu. Ég vil meina að það hafi skipt mestu. Svo erum við með jafnan leik í hálfleik og allt í góðum málum en aftur fannst mér einbeitingaleysi í hornspyrnu. Við vorum búnir að stúdera þetta mjög vel að Atli væri hreyfanlegur í teignum og það þyrfti að dekka hann mjög vel en við gerðum ekki nógu vel í því."
Magnús Már Lúðvíksson var framarlega á miðjunni í dag eins og í síðasta leik gegn Þór en hafði verið miðvörður fram að því í sumar. Hann skoraði fyrsta markið í dag.
,,Mér fannst það ganga vel upp og Maggi var að spila vel á miðjunni í þeim leik og gerði það líka í þessum leik. Hann var ógnandi og skoraði. Það er eitt af þessum málum sem við ákváðum að gera. Mér fannst það ekki málið í gær, við vorum bara klaufar og skortur á einbeitingu á köflum."
Iain Williamson meiddist illa í fyrri hálfleik eftir ljóta tæklingu Steven Lennon. Magnús var spurður út í stöðuna á honum.
,,Það er verið að sauma hann inni í klefa. Það er það eina sem ég veit," sagði Magnús. ,,En ég held að það verði allt í lagi. Þetta var slæmur skurður á hné og ég vona að það verði allt í lagi. Lennon fór aðeins of hátt með takkana í hnéð á honum en ég gat ekki séð í leiknum sjálfum að þetta væri ljótt en það virkaði þannig þegar það sker í sundur á honum hnéð. En við verðum að einbeita okkur að öðru."
Nánar er rætt við Magnús í sjónvarpinu að ofan.
Athugasemdir