„Við skoruðum einhverskonar klafsmark eftir hornspyrnu og Víkingarnir lágu aftar en ég átti von á. Ég taldi að þeir hefðu meir á sigri að halda hér í dag. Við vorum meira með boltann án þess að búa til nægilega mörg færi í fyrri hálfleik en þau voru nokkur í þeim síðari. Sérstaklega í restina, þá áttum við tvö þrjú færi sem við hefðum getað nýtt betur.“

„Mér fannst strákarnir vera að leggja sig vel fram. Við áttum gott spjall fyrir leikinn inni í klefa og við viljum safna stigum alveg þar til yfir lýkur. Menn lögðu sig vel fram þrátt fyrir að það sé mjög auðvelt að detta í smá kæruleysi og það skilaði þremur stigum.“

Framtíð Rúnars hefur verið milli tannanna á mörgum en heyrst hefur af áhuga liða erlendis frá á starfskröftum hans.

„Ég held að hlutirnir verði að fá sinn tíma til að skýrast. Ég ætla að klára Íslandsmótið og engar ákvarðanir hafa verið teknar. Það er ekki búið að bjóða mér eitt né neitt. Það eru fleiri en ég sem eru inni í myndinni hjá þessum liðum og þetta er ekkert meir en að sjá hvort ég hefði áhuga ef tilboðið kæmi. Ég þjálfa KR og er stoltur af því enda er þetta ein eftirsóttasta þjálfarastaða landsins.“

Viðtalið má sjá í heild sinni í spilaranum hér að ofan.