,,Við erum alltaf ósáttir við að tapa og sérstaklega á heimavelli," sagði Siggi Raggi þjálfari ÍBV eftir 2-0 tap gegn Keflavík í Eyjum.
Lestu um leikinn: ÍBV 0 - 2 Keflavík
Við vorum lakari aðilinn í leiknum og þeir lögðu meira á sig, unnu fleiri 50/50 bolta og vildu þetta einfaldlega meira en við," sagði Siggi Raggi.
Það setti heldur betur ljótan blett á leikinn í dag þegar Matt Garner fótbrotnaði eftir að hafa farið í tæklingu við Hörð Sveinsson, leikmann Keflavíkur.
,,Hann er klárlega fótbrotinn, það sást bara og það heyrðist smellur þegar þeir skullu saman. Það var búið um hann, hann var deyfður og hann fór síðan með sjúkrabilnum og þeir ætla að senda hann suður.
Það var auðvitað öllum brugðið og við hugsum öll til hans og vonum að þetta fari allt saman vel." sagði Siggi Raggi að lokum.
Athugasemdir