Breiðablik 0 - 3 Ajax
0-1 Kaj Sierhuis ('5)
0-2 Matthijs de Ligt ('25)
0-3 Dani De Wit ('70)
0-1 Kaj Sierhuis ('5)
0-2 Matthijs de Ligt ('25)
0-3 Dani De Wit ('70)
2. flokkur Breiðabliks tapaði fyrir Ajax í Evrópukeppni unglingaliða í dag.
Ljóst var að það yrði á brattann að sækja gegn Ajax sem er þekkt fyrir eina bestu unglingaakademíu Evrópu. Lið Ajax er gríðarlga vel spilandi og vann sannfærandi sigur.
Það tók gestina ekki langan tíma að komast yfir í leiknum en sóknarmaðurinn Kaj Sierhuis skoraði eftir fyrirgjöf frá Justin Kluivert, syni goðsagnarinnar Patrick Kluivert.
Breiðablik gafst ekki upp og náði að koma boltanum í markið en markið var réttilega dæmt ógilt þar sem brotið var á markverði Ajax.
Eftir 25 mínútna leik varði Patrik Sigurður Gunnarsson glæsilega frá Ajax úr dauðafæri.
Gestirnir bættu við marki eftir hornspyrnuna þegar varnarmaðurinn Matthijs de Ligt var sterkastur í teignum og skallaði boltann í netið.
Staðan 0-2 í hálfleik. Snemma í síðari hálfleik átti Ajax skalla í slá en á 64. mínútu komst Brynjar Óli Bjarnason nálægt því að minnka muninn þegar markvörður Ajax lék sér að eldinum. Hollendingarnir heppnir þarna.
Þriðja mark Ajax kom í kjölfarið á aukaspyrnu þegar boltinn datt fyrir Dani De Wit sem skoraði.
Ajax með öll spil á hendi fyrir seinni leikinn sem verður 19. október í Hollandi. Þjálfari liðsins er Aron Winter sem var varnarmiðjumaður hjá hollenska landsliðinu, Ajax, Inter og Lazio á sínum tíma.
Það vantaði sterka leikmenn í Breiðabliksliðið en félagið hefur lánað öfluga leikmenn úr 2. flokknum í neðri deildirnar og voru þeir ekki löglegir í þessu verkefni.
Myndaveisla og viðtal úr leiknum koma síðar hér á Fótbolta.net
Hér að neðan má sjá myndbönd af mörkunum af Twitter síðu Ajax.
— AFC Ajax (@AFCAjax) September 28, 2016
🎥 l De 0-2 van Matthijs de Ligt! 👊💪👏 #UYL #breaja pic.twitter.com/mYNwunPr6u
— AFC Ajax (@AFCAjax) September 28, 2016
🎥 l De goal van Dani de Wit voor #AjaxO19 tegen Breidablik in de #UYL. Het is 0-3 bij #breaja! pic.twitter.com/VYdT3ZdXBO
— AFC Ajax (@AFCAjax) September 28, 2016
Athugasemdir