Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mið 28. september 2016 09:35
Elvar Geir Magnússon
Mancini, Bruce og Howe orðaðir við England
Powerade
Næsti landsliðsþjálfari Englands?
Næsti landsliðsþjálfari Englands?
Mynd: Getty Images
Henry Winter vill fá Eddie Howe sem landsliðsþjálfara.
Henry Winter vill fá Eddie Howe sem landsliðsþjálfara.
Mynd: Fótbolti.net - Hafliði Breiðfjörð
Það er komið að slúðurpakkanum í boði Powerade. Enska landsliðsþjálfarastarfið er skiljanlega áberandi í pakka dagsins!

Enska knattspyrnusambandið mun rannsaka ummæli Stóra Sam Allardyce, sérstaklega varðandi eignarhald þriðja aðila og hvernig eigi að svindla á reglum um leikmannasölur. (Daily Telegraph)

Ítalskir fjölmiðlar segja að Roberto Mancini, fyrrum stjóri Manchester City, gæti orðið landsliðsþjálfari Englands. Mancini vann enska meistaratitilinn og bikarinn hjá City en hann lét af störfum hjá Inter í sumar. (Gazzetta dello Sport)

Steve Bruce, fyrrum stjóri Hull City, ætti að verða næsti landsliðsþjálfari Englands að mati Ray Parlour, fyrrum miðjumanni Arsenal. (Sun)

Gareth Southgate gæti orðið landsliðsþjálfari Englands til frambúðar ef leikirnir fjórir sem hann fær fara vel. (Sun)

Stjörnublaðamaðurinn Henry Winter hjá Times segir að gáfulegast hjá enska knattspyrnusambandinu væri að ráða Eddie Howe hjá Bournemouth í starfið. (Times)

David Moyes stjóri Sunderland hefur fullan stuðning hjá stjórn félagsins þrátt fyrir að liðið er á botni úrvalsdeildarinnar eftir að hafa mistekist að vinna leik í fyrstu sex umferðunum. (Daily Telegraph)

Michael Keane (23) hjá Burnley segist ánægður hjá félaginu en talað var um að Leicester hafi reynt að kaupa hann í sumar. Chelsea hefur einnig verið orðað við miðvörðinn. (Guardian)

Phil Jones, varnarmaður Manchester United, vonast til að snúa aftur til æfinga í næstu viku eftir hnémeiðsli. (Daily Mail)

Gilberto Silva, fyrrum miðjumaður Arsenal, segir að stuðningsmenn Arsenal ættu að horfa til þess sem gerðist hjá Manchester United þegar Sir Alex Ferguson fór áður en þeir kalla eftir því að Arsene Wenger láti af störfum. (Daily Express)

Varnarmaðurinn Jose Fonte (32) hjá Southampton er að bíða eftir að fá betri samning. Hann var orðaður við Manchester United í sumar. (Daily Echo)

Leikmenn West Ham skemmtu sér saman á mánudagskvöld en Slaven Bilic knattspyrnustjóri vildi að leikmenn myndu létta andann eftir slæmt gengi í úrvalsdeildinni. (Daily Mail)

Norwich þarf að hækka laun tvíburabræðrana Jacob og Josh Murphy (21) ef félagið vill halda þeim. (Daily Mirror)

Wayne Rooney og Henrikh Mkhitaryan verða líklega í byrjunarliði Manchester United gegn úkraínska liðinu Zorya Luhansk í Evrópudeildinni á morgun. Það gæti verið beinn slagur um byrjunarliðssæti gegn Stoke í úrvalsdeildinni á sunnudag. (Manchester Evening News)
Athugasemdir
banner
banner
banner
banner
banner