,,Ég er gríðarlega ánægður og hlakka til að takast á við þetta verkefni," sagði Guðmundur Benediktsson við Fótbolta.net í dag eftir að hann var ráðinn aðstoðarþjálfari KR.
,,Hér hefur og verður alltaf allt til alls til að vera með alvöru lið. Við munum að sjálfsögðu reyna að halda áfram þeirri frábæru vinnu sem Pétur og Rúnar hafa unnið síðustu ár."
,,Hér hefur og verður alltaf allt til alls til að vera með alvöru lið. Við munum að sjálfsögðu reyna að halda áfram þeirri frábæru vinnu sem Pétur og Rúnar hafa unnið síðustu ár."
Bjarni Guðjónsson verður þjálfari KR og Guðmundur er spenntur fyrir því að vinna með honum.
,,Bjarni er fæddur í þetta, hann er af því kyni. Þetta er aðeins í genunum. Þetta verður virkilega gaman og það á að vera gaman á KR-vellinum. Við ætlum að vera með þannig lið að það verði gríðarlega gaman að mæta á KR-völlinn næsta sumar. Það er stefnt á að vinna titla í Vesturbænum og við munum vera með lið til þess."
Allir aðilar í þjálfarateyminu starfa að hluta fyrir Stöð 2 Sport og Kristinn Kjærnested formaður knattspyrnudeildar lýsir einnig leikjum á stöðinni. Verður Stöð 2 Sport framan á búningum KR næsta sumar?
,,Það er verið að vinna í því. Við erum með fínan samning við Alvogen og þetta verður skoðað í framhaldinu," grínaðist Guðmundur.
Hér að ofan má sjá viðtalið í heild sinni.
Athugasemdir
