Gunnar Nielsen.
„FH er líklega mesta atvinnumannafélagið á Íslandi," sagði færeyski landsliðsmarkvörðurinn Gunnar Nielsen eftir að hann skrifaði undir þriggja ára samning við FH í dag.
„FH er að berjast um titla á hverju tímabili, liðið vill ná langt í Evrópu og þetta var allt of gott til að hægt væri að hafna því."
Gunnar tjáði Stjörnunni um síðustu helgi að hann yrði ekki áfram í Garðabænum en ræddi hann við önnur íslensk félög?
„FH er að berjast um titla á hverju tímabili, liðið vill ná langt í Evrópu og þetta var allt of gott til að hægt væri að hafna því."
Gunnar tjáði Stjörnunni um síðustu helgi að hann yrði ekki áfram í Garðabænum en ræddi hann við önnur íslensk félög?
„Ég vil ekki tjá mig um það. Ég var með aðra möguleika en ég vil ekki segja til um hvort það var erlendis eða á Íslandi. Ég ákvað að vera áfram á Íslandi en um leið og FH bauð mér samning var ég spenntur og ég er ánægður með að vera hér."
Gunnar segir að það hafi verið erfitt að fara frá Stjörnunni eftir að hafa varið markið í Garðabænum í sumar.
„Ég talaði við Rúnar Pál (Sigmundsson) og Fjalar (Þorgeirsson) markmannsþjálfara. Þetta er ekkert persónulegt. Ég átti góðan tíma í Stjörnunni og hef einungis góða sögu að segja um félagið. Fótbolti er fótbolti. Sumir taka hlutum persónulega í fótbolta en þetta er ekkert persónulegt af minni hálfu. Ég fékk gott tilboð fótboltalega séð og ég er ánægður með að vera hér."
Gunnar býr ásamt fjölskyldu sinni á Íslandi og kann vel við sig en hann er íslenskur í aðra ættina. „Ég hef átt heima í Englandi og Skotlandi sem er öðruvísi. Það er heimilislegra á Ísland," sagði Gunnar sem er nánast búinn að ná tökum á íslenskunni.
„Ég get líka talað íslensku en það er erfitt að tala hratt og mikið. Ég skil íslensku og þetta er að koma," sagði Gunnar léttur.
Hér að ofan má sjá viðtalið við Gunnar í heild sinni.
Athugasemdir
