Sóknarmaðurinn Ellert Hreinsson gæti verið á förum frá Breiðabliki en samningur hans við félagið rann út á dögunum.
Ellert hefur rætt bæði við félög í Pepsi-deildinni og Inkasso-deildinni.
Ellert hefur rætt bæði við félög í Pepsi-deildinni og Inkasso-deildinni.
„Ég er bæði búinn að funda með Blikunum og öðrum liðum og ég ætla að skoða mín mál. Það eru alveg líkur á að ég færi mig til," sagði Ellert við Fótbolta.net í dag.
„Ég fór beint eftir tímabilið erlendis og var að koma heim. Ég er því á hálfgerðum byrjunarreit með þetta."
Hinn þrítugi Ellert skoraði eitt mark í fimmtán leikjum með Blikum en hann átti ekki fast sæti í byrjunarliðinu.
Ellert er uppalinn Bliki en hann spilaði einnig með Víkingi Ólafsvík 2006 og 2007 sem og Stjörnunni frá 2008 til 2012.
Athugasemdir