Enski boltinn heldur að sjálfsögðu áfram um helgina.

Sunderland fær Arsenal í heimsókn í fyrsta leik helgarinnar en Sunderland er eina liðið sem ekki hefur tekist að vinna hingað til og eru þeir því á botninum með aðeins tvö stig en Arsenal er með 20 stig á toppnum ásamt Manchester City og Liverpool

Jóhanni Berg Guðmundssyni hefur lengi dreymt um að spila á Old Trafford en sá draumur rætist er hann og félagar hans hjá Burnley mæta Manchester United. Englandsmeistarar Leicester mæta Tottenham á sama tíma.

Manchester City hefur ekki unnið í sex leikjum í röð í öllum keppnum en þeir fá tækifæri til að snúa því við er þeir fara í heimsókn til WBA. Crystal Palace mætir svo Liverpool í síðasta leik laugardagsins.

Á sunnudaginn eru svo tveir leikir. Annars vegar mætir Everton, West Ham og hins vegar mætast Southampton og Chelsea en Chelsea er aðeins einu stigi frá toppliðunum.

Gylfi Þór Sigurðsson og liðsfélagar hans í Swansea mæta svo Stoke á mánudaginn og er það síðasti leikur helgarinnar.