Þýski snillingurinn Thomas Muller er orðinn pirraður á gengi sínu á vítapunktinum og kveðst vera hættur að taka vítaspyrnur.
Muller brást bogalistin á vítapunktinum í bikarnum í vikunni þegar Bayern lagði Augsburg að velli. Þetta er fimmta vítaspyrnan sem kappinn klikkar á síðan í ágúst 2015.
Þessi 27 ára gamli sóknarmaður var um tíma vítaskytta þýska landsliðsins en hann gaf það sömuleiðis frá sér á dögunum.
„Þetta er óþolandi og pirrar mig mjög mikið. Ég mun hér eftir einbeita mér að leiknum og liðsfélagar mínir geta séð um vítaspyrnurnar," segir Muller.
Athugasemdir