Sverrir Ingi Ingason lék allan leikinn og var í byrjunarliði Lokeren þegar liðið vann góðan 2-1 útisigur gegn Sporting Charleroi í belgísku úrvalsdeildinni í kvöld.

Með sigrinum reif Lokeren sig fjarri fallsvæðinu eftir afleita byrjun á tímabilinu, en liðið er nú með 18 stig eftir 16 leiki.

Það var Evariste Ngolok sem kom Lokeren yfir skömmu fyrir leikhlé og Marko Miric tvöfaldaði forystu gestanna í seinni hálfeliknum.

Dieumerci Ndongala náði að klóra í bakkann fyrir Sporting Charleroi á 80. mínútu en nær komust heimamenn ekki og 2-1 sigur Lokeren staðreynd.