Írski sóknarmaðurinn Jimmy Dunne var mikil markamaskína á sínum tíma í fyrstu deildinni og skoraði í tólf leikjum í röð tímabilið 1930-31.

Dunne var þá leikmaður Sheffield United og gerði 143 mörk í 173 deildarleikjum fyrir félagið áður en hann fór yfir til Arsenal.

Dunne gerði 41 mark á því tímabili en var þrátt fyrir það ekki markahæstur í deildinni, þar sem Tom Waring, sóknarmaður Aston Villa, gerði 49 mörk.

Vardy er því í öðru sæti, ásamt Stan Mortensen sem gerði 11 mörk í röð fyrir Blackpool fyrir 66 árum síðan, en getur jafnað markamet Dunne með því að skora í næsta leik Leicester sem er gegn Swansea.

Þó að Vardy takist að skora gegn Swansea er ólíklegt að hann geti gert yfir 40 deildarmörk á tímabilinu, enda hafa gæði varnarmanna og aðallega leikskipulaga aukist mikið á síðustu öld.