Svisslendingurinn Sepp Blatter hefur staðfest að hann muni bjóða sig fram til forseta FIFA, fimmta kjörtímabilið í röð.
Blatter staðfesti þetta á Twitter síðu sinni í dag, en umsóknarfrestur fyrir framboðið rennur út í dag.
Undir stjórn Blatter hefur FIFA verið harðlega gagnrýnt og mun hann fá mikla samkeppni um forsetaembættið.
Luis Figo, Jórdaníuprinsinn Ali bin Al-Hussein, Jerome Champagne og Michael van Praag hafa einnig allir boðið sig fram.
Athugasemdir