banner
   fim 29. janúar 2015 09:05
Magnús Már Einarsson
Heimild: BBC 
Nýr Busquets til Liverpool?
Powerade
David De Gea er orðaður við Real Madrid.
David De Gea er orðaður við Real Madrid.
Mynd: Getty Images
Kane gerir nýjan samning við Tottenham í dag.
Kane gerir nýjan samning við Tottenham í dag.
Mynd: Getty Images
Það eru einungis fjórir dagar í að lokadagur félagaskiptagluggans renni upp. Ensku blöðin eru með alls konar slúður í dag.



Real Madrid ætlar að semja við David De Gea þegar samningur hans við Manchester United rennur út eftir eitt og hálft ár. (Daily Telegraph)

PSG hefur rætt við Tottenham um að fá Emmanuel Adebayor á láni út tímabilið. (Daily Telegraph)

Swansea er að íhuga tilboð í Rudy Gestede framherja Blackburn en síðarnefnda félagið vill fá sex milljónir punda fyrir hann. (Daily Mail)

Brendan Rodgers, stjóri Liverpool, vill fá Lars Stindl og Leonardo Bittencourt frá Hoffenheim í sumar. (Daily Star)

Rodgers er að undirbúa 29 milljóna punda tilboð í Ruben Neves, 17 ára miðjumann Porto. Neves hefur verið líkt við Sergio Busquets en PSG, Real Madrid og Juventus hafa áhuga. (Daily Express)

West Ham hefur boðið átta milljónir punda í Bafetimbi Gomis framherja Swansea. (Sun)

West Ham er að semja við varnarmanninn Stephen Hendrie hjá Hamilton í Skotlandi. (Daily Mail)

Jackson Martinez, framherji Porto, hefur hafnað Tottenham, Liverpool og Everton til að fara í Serie A. (Daily Express)

Aston Villa vill ennþá fá kantmanninn Scott Sinclair frá Manchester City. (Birmingham Mail)

Nick Powell, miðjumaður Manchester United, gæti verið á leið til Hull. (Daily Mirror)

Crystal Palace er að kaupa Jordon Mutch frá QPR á 4,75 milljónir punda og varnarmanninn Pape Souare frá Lille á 3,4 milljónir. (Guardian)

Harry Kane mun skrifa undir nýjan samning við Tottenham í dag en samningurinn gildir til ársins 2020. (Sun)

Chelsea ætlar að áfrýja ákæru frá enska knattspyrnusambandinu á Diego Costa eftir að hann traðkaði á Emre Can miðjumanni Liverpool. (Times)

Mark Halsey, fyrrum dómari, segir að dómarar verði að taka á því þegar Costa traðkar á leikmönnum áður en hann slasar andstæðing. (Sun)

Gary Cahill hefur komið Costa til varnar. (Talksport)

Chelsea ætlar ekki að heiðra Frank Lampard fyrir leikinn gegn Manchester City á laugardaginn. Lampard snýr þá aftur á Stamford Bridge en hann spilaði með Chelsea í 13 ár. (Times)

Boudewijn Zenden, fyrrum leikmaður Liverpool, telur að stuðningsmenn liðsins fari að missa þolinmæðina gagnvart Brendan Rodgers ef hann skilar ekki titli fljótlega. (Talksport)

Manchester City er að ganga frá samstarfsamningi við St-Etienne í Frakklandi. (Independent)
Athugasemdir
banner
banner
banner
banner