Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 29. mars 2015 15:47
Arnar Geir Halldórsson
Lengjubikar: Arsenij Buinickij skoraði þrennu
Arsenij hefur verið iðinn við markaskorun í Lengjubikarnum
Arsenij hefur verið iðinn við markaskorun í Lengjubikarnum
Mynd: Fótbolti.net - Sævar Geir Sigurjónsson
ÍA 4-3 Fjarðabyggð
1-0 Marko Andelkovic (´35)
2-0 Arsenij Buinickij ('52)
3-0 Arsenij Buinickij (´64)
3-1 Brynjar Jónasson (´67)
3-2 Viktor Örn Guðmundsson (´71)
4-2 Arsenij Buinickij (85)
4-3 Brynjar Jónasson (´90)

Skagamenn fengu Fjarðabyggð í heimsókn í Akraneshöllina í dag en þetta var annar leikur gestanna á tveim dögum.

Það leit lengi vel út fyrir þægilegt dagsverk hjá heimamönnum en erlendu leikmenn liðsins, Marko Andelkovic og Arsenij Buinickij, sáu til þess að ÍA komst í 3-0. Þá virtust Skagamenn slaka á klónni og hleyptu Fjarðabyggð inn í leikinn.

Tvö mörk á fjögurra mínútna kafla í seinni hálfleik hleyptu spennu í leikinn en Skagamenn gátu andað léttar á 85.mínútu þegar Arsenij Buinickij fullkomnaði þrennu sína og tryggði sigurinn. Gestirnir náðu þó að klóra í bakkann á lokaandartökum leiksins.

Skagamenn tryggðu sér þar með toppsætið í riðli 3 í A-deild Lengjubikarsins og eru komnir í 8-liða úrslit. Fjarðabyggð lýkur hins vegar leik í Lengjubikarnum þetta árið með 7 stig úr sjö leikjum.
Athugasemdir
banner
banner
banner
banner
banner