Heimild: KSÍ
Ólafur Ingi Skúlason hefur verið kallaður inn í landsliðshópinn fyrir æfingaleikinn gegn Eistlandi á þriðjudag.
Eins og við höfum áður greint frá hafa Aron Einar Gunnarsson og Eiður Smári Guðjohnsen dregið sig úr hópnum en Aron fær frí í leiknum til að hitta nýfæddan son sinn á meðan Eiður Smári fær frí þar sem hann á von á barni.
Ólafur Ingi Skúlason hefur nú verið kallaður inn í hópinn en ekki er loku fyrir það skotið að fleiri leikmenn verði kallaðir inn fyrir leikinn á þriðjudag.
„Menn voru hálftæpir í kvöld svo við skoðum það betur í kvöld og á morgun hvort við þurfum að kalla einhverja fleiri til Eistlands," sagði Heimir eftir leikinn gegn Kasökum í gær.
Ólafur Ingi mun hitta liðið í Tallinn en hann á 24 landsleiki að baki fyrir Íslands hönd.
Athugasemdir