sun 29. mars 2015 21:00
Alexander Freyr Tamimi
Suarez: Ef ég spila aftur á Englandi verður það hjá Liverpool
Suarez í baráttunni við Jamie Carragher.
Suarez í baráttunni við Jamie Carragher.
Mynd: Getty Images
Luis Suarez, framherji Barcelona, var mættur á sinn gamla heimavöll Anfield þegar hann spilaði í góðgerðarleik Steven Gerrard í dag.

Úrúgvæski landsliðsmaðurinn var í guðatölu hjá Liverpool en yfirgaf félagið síðasta sumar til að fara til Barcelona, þar sem hann hefur staðið sig vel.

Hann var þó mættur aftur á Anfield til heiðurs Gerrard í dag, en í viðtali eftir leikinn útilokaði hann ekki að hann myndi klæðast treyju Liverpool á nýjan leik.

,,Maður veit aldrei hvað gerist. En ef ég sný aftur til Englands, þá mun ég spila í treyju Liverpool. Ég mun aldrei klæðast treyju annars liðs á Englandi," sagði Suarez í viðtalinu.



Athugasemdir
banner
banner
banner