Landslið Gíbraltar tapaði 6-1 fyrir Skotlandi þegar liðin mættust í undankeppni EM 2016 í dag.

Þetta var þó ekki alslæmur dagur fyrir þessa nýjustu aðildarþjóð UEFA, en lögreglumaðurinn Lee Casciaro skoraði fyrsta mark Gíbraltar í keppnisleik í sögunni.

Casciaro jafnaði metin í 1-1 með glæsilegu skoti eftir stoðsendingu frá lögfræðingi. Þetta er ekki grín.

Hér að neðan má sjá markið hjá lögreglumanninum Casciaro, en hann mun sjálfsagt aldrei gleyma þessum degi.